Namaste Kisan Nepal YouTube channel Link
मा गएर अन्य जानकारी लिन सक्नु हुनेछ ।
गैर सरकारी संस्थाको विधानका संरचनाका रुपरेखा
नेपाल लोक कल्याण विकास परियोजनाको
विधान २०७९
प्रस्तावना ः- आम नागरिकमा व्यवस्था परिवर्तनको चाहना अनुरूप संघिय लोकतान्त्रिक गणतन्त्रतात्मक नेपालको संविधानका उपलब्धिलाई संस्थागत गर्दै जाँदा चल्नेआत्मनिर्णय,स्वायतता,संघियता,समावेशीकरण,पहिचान र आरक्षण आदिको बहस संँगै उजागर हुन आउने नयाँ-नयाँ चुनौतीहरू र यस सँग जोडिएका कतिपय सवालहरूको परिवर्तित सन्दर्भमा व्याख्या,विवेचना र विश्लेषणको क्रममा यहाँका सामाजिक,सांस्कृति,धार्मिक,भौगोलिक ऐतिहासिक र जैविक विविधताको आधारमा सेवा सुविधा तथा सार्वजनिक स्रोत/सम्पत्तिमा पहुँच जस्ता विभिन पक्षहरूको मानविय र ऐतिहासिक दृष्टिकोण बाट वैज्ञानिक अध्ययन,अनुसंधान एंव सोध-खोज गरी व्यवस्था परिर्वतन सँगै उत्पन्न हुने सबै खाले विभेद तथा द्धन्द/विवादहरूको न्यायोचित जनमुखि वैज्ञानिक सम्बोधन बाट देशमा समान्ता,स्वतन्त्रता,बन्धुत्व र न्यायको भावनाको विकास र विस्तारका लागि एकिकरणका आधारहरू निर्माण,प्रचार प्रसार र विस्तार गरी स्थानिय सुशासनको प्रक्रियाका लागि जनता र स्थानिय सरकार बिचको सम्बन्ध बलियो पार्न योगदान पुर्याउने अभिप्रायले यस संस्थाको स्थापना गरिएको छ।
परिच्छेद १
प्रारम्भिक ः-
१ संक्षिप्त नाम र प्रारम्भ ः- यस संस्थाको नाम " नेपाल लोक कल्याण विकास परियोजना " रहेन छ। यसलाई अंग्रेजीमा " Nepal Public Welfare Development Project" तथा छोटकरीमा (NPWDP) भनिने छ।
(क) संस्थाको कार्यालय रहेन ठेगाना ः- यस संस्थाको केन्द्रिय कार्यालय महोत्तरी जिल्ला जलेश्वर न.पा.वडा नं.-१ मा रहने छ।
(ख) संस्थाको कार्यक्षेत्र ः- स्थान महोत्तरी जिल्ला भरी हुनेछ तथा आवश्यकता अनुसार स्थानिय अधिकारीको स्वीकृति लिई नेपाल देश भरी यसका शाखाहरू खोल्न सकिनेछ।
(ग) यो संस्था राजनैतिक क्रियाकलापबाट अलग रहने छ।
२ परिभाषा:- विषय वा प्रसंगले अर्को अर्थ नलागेमा यस विधानमा उल्लेखित कुराहरूले निम्न अनुसार बुझाउने छ।
(क) संस्था भन्नाले " नेपाल लोक कल्याण विकास परियोजना " लाई बुझाउने छ।
(ख) विधान भन्नाले " नेपाल लोक कल्याण विकास परियोजना " को विधान २०७९ लाई बुझाउने छ।
(ग) नियम भन्नाले " यस संस्थाको विधान अन्तर्गत बनेको " नियमलाई बुझाउने छ।
(घ) सभा भन्नाले " यसै विधानको दफा ६ बमोजिम गठित " समितिलाई बुझाउने छ।
(ङ) समिति भन्नाले " यसै विधानको दफा १२ बमोजिम गठित " समितिलाई बुझाउने छ।
(च) सदस्य भन्नाले " यस विधान बमोजिम सदस्यता प्राप्त व्यक्ति तथा संस्थापक सदस्यलाई"जनाउने छ।
(छ) संस्थापक सदस्य भन्नाले " संस्था दर्ता प्रक्रियामा संग्लन कार्यदललाई " जनाउने छ।
(ज) तोकिए बमोजिम भन्नाले " यस विधान वा यस अन्तर्गत बनेको नियम विनियममा उल्लेख भएको " मानिनेछ ।
(झ) यस संस्थाको विधान नेपाली र अंग्रेजी दुई भाषामा रहने छ जो नेपाली भाषामा दर्ता र अंग्रेजी भाषामा पछि लेखिने छ।
३ संस्थाको चिन्ह र छापः- यस संस्थाको चिन्ह र छाप गोलाकार घेरामा नेपाल लोक कल्याण विकास परियोजना जलेश्वर न.पा.-१ ,महोत्तरी बिचमा कलम को चित्र र तल स्थापना २०७९ साल अंकित छाप हुनेछ ।
 |
Logo
|
